ម៉ូតូបើកបរល្បឿនលឿនដូចហោះទៅបុកម៉ូតូកង់បីពេញមួយទំហឹងរបួសទាំងអស់គ្នា
11-July-2016 | ដោយ មែន កំសត់
កំពង់ឆ្នាំង៖មនុស្សប្រុស៣នាក់បានរងរបួសធ្ងន់នៅក្នុង ឧប្បត្តិហេតុគ្រោះថ្នាក់ចរាចរណ៍មួយបង្ករឡើងដោយម៉ូតូដែលបើកបរដោយ ក្មេងស្ទាវក្នុងល្បឿនលឿនដូចហោះហើយទៅបុកម៉ូតូកង់បីពេញមួយទំហឹង ក្នុងទិសដៅស្របគ្នា។ហេតុការណ៍គ្រោះថ្នាក់ចរាចរណ៍នេះបានកើតឡើងនៅលើ កំណាត់ផ្លូវជាតិលេខ៥ខាងមុខផ្លូវច្រកចូលរោងចក្រMនិងVក្នុងភូមិ ត្រពាំងចឹក្សាសង្កាត់កំពង់ឆ្នាំងក្រុងកំពង់ឆ្នាំងកាលពីវេលាម៉ោង ជិត៦ល្ងាចថ្ងៃទី១០ខែកក្កដាឆ្នាំ២០១៦។
ប៉ូលីស ចរាចរណ៍ក្រុងកំពង់ឆ្នាំងបានអោយដឹងថាម៉ូតូកង់បីម៉ាកសាន់យ៉ាន់ពណ៌ ក្រហមពាក់ស្លាកលេខកំពង់ឆ្នាំង១E៧៥៥៤បើកបរក្នុងទិសដៅពីជើងទៅត្បូង ។នៅពេលមកដល់ចំណុចកើតហេតុបានបត់ទៅឆ្វេងចូលផ្លូវរោងចក្រMនិងV ដើម្បីដឹកកម្មកេចេញពីធ្វើការ។ក្នុងពេលនោះក៍មានម៉ូតូក្មេងស្ទាវ២ គ្រឿងបានបើកយ៉ាងលឿនប្រដេញគ្នាហើយម៉ូតូនៅខាងមុខបានទៅហួស។ចំណែក ឯកម៉ូតូខាងក្រោយម៉ាកហុងដាឌ្រីមពណ៌ក្រហមពាក់ស្លាកលេខបាត់ដំបង ១A-៣៨៨៨ក៏បានបុកម៉ូតូកង់បីពេញទំហឹងតែម្តង។
ចំពោះ ជនរងគ្រោះទាំង៣នាក់សមត្ថកិច្ចស្គាល់ឈ្មោះតែម្នាក់ប៉ុណ្ណោះឈ្មោះ វ៉ាន់ដៀនអាយុ២៤ឆ្នាំរស់នៅភូមិអញ្ចាញរូងឃុំអញ្ចាញរូងស្រុក បរិបូណ៌ជាអ្នកជិះម៉ូតូម៉ាកហុងដាឌ្រីមរីឯ២នាក់ទៀតនៅមិនទាន់ ស្គាល់ឈ្មោះនៅឡើយទេ។ក្រោយបេលកើតហេតុពួកគេត្រូវរថយន្តសាមុយមកដឹក យកទៅសង្រោះនៅមន្ទីរពេទ្យខេត្ត។ដោយឡែកមធ្យោបាយបង្ករត្រូវបាន សមត្ថកិច្ចយកទៅរក្សាទុកនៅអធិការដ្ឋានគរបាលក្រុងកំពង់ឆ្នាំងដើម្បី រង់ចាំធ្វើការដោះស្រាយតាមនីតិវិធីច្បាប់៕ -
ចំនួនអ្នកទស្សនា
- ថ្ងៃនេះ571
- ម្សិលមិញ12101
- សប្តាហ៍នេះ12681
- ខែនេះ127831
- ឆ្នាំនេះ127831
- សរុប20570287